Aya Art
الأحد، 1 أغسطس 2021
تحدي ال29يوم / الخاتمة
الخميس، 15 يوليو 2021
اليوم العشرين/ التصميم الداخلي
الأحد، 4 يوليو 2021
اليوم العاشر / التصميم الداخلي
مرحبا ايها الابطال بكل بقاع العالم
صارلي 10 ايام مع التجربة اللطيفه مع التصميم الداخلي جان هدفي بيها من البدايه انو اتعلم اساسياتها و اكون قادرة اصمم ديكور غرفه جيد على البرامج الخاصة بالتصميم الداخلي مثل 3D Max .
خلال ال10 ايام الي مرت كدرت اتعلم اساسيات التصميم مع المهندس عمرو محمد و هذا واحد من فيديوهاته تعلمت وياه هواي و صححت افكار كلش هوايه عن التصميم و طبقت الي تعلمته على صور الديكورات في Pinterest و صرت اعرف احلل الصورة .
كذالك خضت تجربة ممتعه بتعلم برنامج AutoCAD لان هو الاساس الي لازم اتعلم منه التصميم بصيغه 2D اخذت كورس عنه على منصة معارف كذالك حضرت فيديو علمني على البرنامج .
و الوقت الي خصصته لكل الي تعلمته جان بمعدل 3 ساعات يوميا و تقريبا التزمت بهذا الشي قدر المستطاع .
رغم ذالك اني مو راضيه عن التقدم الي حققته احس هواي وقت فوتت مني و هواي معلومات لسه ما اتعرفت عليها ححاول ابذل جهد اكبر لان بهذا التحدي عرفت معنى الوقت و انو اني جاي اضيعه على امور تافهة ماتضيف لعقلي شي .
اضافة الى انتابتني مشاعر حب لنفسي و تشويق و دغدغه بالمعدة 😅من اتوتر واني اكتب الي حققته كل 3 ايام اكبرها جانت مشاعر المسئولية و انو عدي واجب لازم اخلصه بكل حب .
طبعا حبيت صدمه اهلي و عمي بلاخص من عرف اني اتجهت لمجال بعيدا عن مجال الطب الي اني بي و حب يقدملي المساعدة و واعدني مستقبلا من افتح مشروعي هو يساعدني لان هو مهندس معماري و هذا زادني اصرار لتكملة هدفي للاخير .
اخيرا هذة خطتي جانت جيدة بس اضيف عليها تركيزي على Pinterest للتغذيه البصرية واني متاكدة راح احقق الي دخلت للتحدي بسببه لان مستحيل ايات تخلي كل هذا الوقت يضيع منها .
بأذن الله بعد 10 ايام اكون اعرف ارسم خريطه بيت على الAutoCAD
بالنهايه اني ممتنه لعدة شغلات منها :-
1- ممتنه لصحتي الي تساعدني اكون قويه دائما
2- كذالك ممتنه لنعمة عقلي الي يملك ضمير صاحي و مخيلة واسعه جدا
{ ينتقدوني دائما لكوني عايشه بالخيال لكن حان الوقت اثبتلهم ان الاصرار على الخيال و الايمان بي يتحول الى واقع مدهش }
الخميس، 24 يونيو 2021
تحدي 29 يوم _ التصميم الداخلي
مرحبا بكل الابطال في كل بقاع العالم
اني ايات كريم / موظفه في مستشفى بابل للنسائية و الاطفال
خريجة معهد طبي / صحة مجتمع
عمري 22 سنة من بابل
اني رسامه بلفطرة و احب اتلاعب بلالوان رغم خوفي منها. قبل شهرين جنت اشتغل بمكان خاص بلديكورات الداخلية كلش حبيت الشغل بي و لكيت نفسي بهذا المجال و حسيت انو حسي الفني ساعدني هواي بهذا المجال و اكتسبت خبرة اكدر اكول عليها زينه لان واجهت هواي مشاكل و حليتها ومن هنا تعلمت اكثر.
لهذا قررت اتحدى نفسي واشارك بتحدي ال٢٩ يوم حتى اطور نفسي بهذا المجال و ما اخلي الي تعلمته يروح و ينسي و انما اثبته بشهادة عالمية معتمدة وافتح مشروعي الخاص .
اني اجريت بحث في Google و YouTube و قسمت خطتي الى دراسة التصميم علميا ثم عمليا راح اخصص ساعه بليوم حته ادرس علميا ثم ساعتين اطبق بيهم الي تعلمته باستخدام برنامج 3Ds Max و Sketch Up و ممكن اكتشف و اجرب برامج غيرهن خلال هاي الفترة .
هدفي هو اوصل لمستوى جيد بنهاية ال٢٩ يوم واكدر اقدم تصميمات بسيطة و اعرف اوازن الالوان و اعلم أهل بلدي شون يكدرون يحصلون على بيت فخم و مريح بااشياء بسيطه و هادئه .
خوفي الوحيد انو ما الكه الشخص المناسب الي يكدر يعلمني بلطريقه الصحيحه و يسلب مني طاقتي بدون فائدة لكن مستمرة ابحث و ادرس حته اوصل لطموحي لاني ما اتنازل عنه بسهولة.